8.11.16

How to make Shampoo at home ..... 5 Lt. షాంపూని ఇంట్లోనే తయారుచేయటం ఎలా ?

How to make Shampoo at home ..... 5 Lt. షాంపూని ఇంట్లోనే తయారుచేయటం ఎలా ?


తయారుచేయడానికి కావలసిన వస్తువులు 
కుంకుడుకాయలు - 100 గ్రా 
శీకాకాయ్ - 100 గ్రా 
మెంతులు - 100 గ్రా 
బెంజోపౌడరు - 10 గ్రా 
scs - 1 లీ. 
కొకోడి - 1/2 కేజీ 
సెంటు - 25 ml (మనకు నచ్చింది వాడుకోవచ్చును
వేపాకు - 4 రెమ్మలు 
తులసి - గుప్పెడు ఆకులు 
గోరింటాకు - గుప్పెడు ఆకులు  
మందారాకులు పెద్దవి ఐతే - 10 ఆకులు చాలు  
(దొరికితే పొన్నగంటి ఆకు, గుంటగలగరాకు) 
ఆకులు ఇష్టమైతే వేసుకోవచ్చును..... దొరకకపోయిన పరవాలేదు. మిగిలిన వాటితో షాంపూ తయారుచేసుకోవచ్చును. 


తయారీవిధానం 
ముందురోజు రాత్రి కుంకుడుకాయలు 1 లీ. నీటిలో నానబెట్టాలి, 
శీకాకాయ గింజలు తీసి 1 లీ. నీటిలో నానబెట్టాలి, 
మెంతులని మెత్తగా పొడి చేసి 1 లీ. నీటిలో నానబెట్టాలి. 
ఆకులని శుభ్రంగా కడిగి 1 లీ. నీటిలో నానబెట్టాలి.  
ఇలా అన్నిటిని వేరువేరుగా నానబెట్టిన వాటిని ఒక్కొక్క స్టీలు గిన్నెలో పోసి 1/2 లీ. అయ్యేవరకు బాగా మరిగించుకోవాలి. అన్నీ చల్లారిన తరవాత ఒక పెద్ద పాత్రలోకి వడగట్టుకోవాలి. ఇప్పుడు కొకోడిని వేడిచేసి ఈ మిశ్రమంలో కలుపుకోవాలి. scs  ని కూడా మిశ్రమంలో వేసి అన్నీ కలిసేటట్టు  బాగా కలపాలి. ఇప్పుడు అన్నీ కలిసేటట్టు ఒక్కసారి ఈ మొత్తం మిశ్రమాన్ని స్టవ్ పైన పెట్టి పొంగకుండా కలుపుతూ 10 నిముషాలు మరిగించాలి. స్టవ్ పైనుండి దించాక మిశ్రమం పూర్తిగా చల్లారిన తరవాత సెంటు కలుపుకోవాలి. అంతే అతి తక్కువ ఖర్చుతో 5 లీ. Herbal Shampoo మీ ఇంట్లో మీరే తయారుచేసేసారు. :) 

ఈ షాంపూ వాడటం వలన ఎటువంటి సైడు ఎఫెక్ట్స్ ఉండవు, జుట్టు ఎక్కువగా రాలిపోదు. ఖర్చు తక్కువ - నురగ ఎక్కువ. నేను ఈ పద్దతిలో తయారుచేసుకొని వాడుతున్నాను. ఇంకా రకరకాల పద్ధతుల్లో shampooని తయారుచేస్తుంటారు. నాకు తెలిసిన పద్ధతి మాత్రం ఇదే.            
         

Home made Zhandubalm at home ........ 1/2 kg జండూబామ్ ఇంట్లోనే తయారుచేతం ఎలా ?

Home made Zhandubalm at home ........ 1/2 kg జండూబామ్ ఇంట్లోనే తయారుచేతం ఎలా ?

జండూబామ్ తయారుచేయుటకు కావలసిన వస్తువులు 
పెట్రోలియం జెల్లీ - 500 గ్రా 
wax (మైనం) - 50 గ్రా 
యూకలిఫ్టస్ ఆయిల్ - 100 ml 
ms ఆయిల్ - 100 ml 
పిప్పర్మెంట్ ఆయిల్ - 50 ml 

తయారీవిధానం 
స్టవ్ వెలిగించి ఒక స్టీలుగిన్నెను పెట్టి అందులో పెట్రోలియం జెల్లీ వేసి కొంచెం కరిగాక మైనం వేసి మరిగించాలి. రెండూ బాగా కలిసి కరిగాక స్టవ్ మీద నుండి కిందకి దించి, కొద్దిగా చల్లారిన తరవాత మూడు రకాల ఆయిల్స్  ని వేసి కలుపుతూ ఉంటే మిశ్రమం గడ్డకడుతుంది. వెంటనే మనకి కావలసిన bottels(డబ్బాల) లో వేసుకోవాలి. అంతే జండూబామ్ తయారైపోయింది. 

           

How to make Sabina Powder at home ..... 5 Kg సబీనా పౌడర్ని ఇంట్లోనే తయారుచేయటం ఎలా ?

How to make Sabina Powder at home .....  5 Kg సబీనా పౌడర్ని ఇంట్లోనే తయారుచేయటం ఎలా ?


సబీనా పౌడర్ని తయారుచేయుటకు కావలసిన వస్తువులు 
డోలోమోట్ పౌడర్ - 5 kg 
సోడా యాష్ - 1/2 kg 
స్లరీ - 200 gms
tsp (ట్రాన్సోడియం ఫాస్ఫేట్) - 1/4 kg  or  200 గ్రా 
లెమన్ సాల్ట్ - 10 ml   

తయారుచేయు విధానం 
గమనిక :--- చేతికి గ్లౌజస్, ముక్కు - మూతికి మాస్క్ ధరించి సబీనా పౌడర్ని కలుపుకోవాలి.
ఒక  పొడిగా ఉన్న పెద్ద టబ్బు తీసుకొని అందులో డోలోమోట్ పౌడర్ ని + సోడా యాష్ ని వేసి బాగా కలుపుకోవాలి. ఆ మిశ్రమంలో స్లరీ వేసి కర్రతో బాగా కలుపుకోవాలి. స్లరీ వెయ్యగానే మిశ్రమం వేడిగా అవుతుంది. ఈ మిశ్రమం వేడి తగ్గాక (చల్లారిన తరవాత) tsp & లెమన్ సాల్ట్ వేసి మిశ్రమాన్ని బాగా కలుపుకోవాలి. అంతే మనం పాత్రలు (గిన్నెలు) తోముకునే సబీనా పౌడర్ తయారు ఐపోయింది. 

   
   

How To Make Blue at Home ...... 5 లీ. నీలిమందు ఇంట్లో తయారుచేయటం ఎలా ?

How To Make Blue at Home ...... 5 లీ. నీలిమందు ఇంట్లో తయారుచేయటం ఎలా ?


నీలిమందు తయారుచేయుటకు కావలసిన వస్తువులు 
ఓస్వాల్ బ్లూ or  రివెన్ బ్లూ పౌడర్  - 250 గ్రా 
గ్లిజరిన్ - 25 ml 
టీనోపాల్ (గంధకం) - 25 గ్రా

తయారీవిధానం 
6 లీటర్ల మంచి నీటిని తీసుకొని బాగా వడగట్టి, స్టవ్ మీద పెట్టి బాగా మరిగించాలి, అంటే ఆ నీరు 5 లీటర్లు అయ్యేవరకు మరిగించాలి. ఆవిధంగా మరిగిస్తే నీలిమందు ఎన్నాళైనా నిల్వ ఉంటుంది. పాడవదు. ఇప్పుడు ఆ నీటిని ఒక బకెట్ లో పోసి, ఓస్వాల్ బ్లూ or  రివెన్ బ్లూ పౌడర్ ని వేసి బాగా కరిగిపోయేలా కలపాలి. ఆ మిశ్రమానికి గ్లిజరిన్ & టీనోపాల్ (గంధకం) కూడా వేసి బాగా కలపాలి. అంతే ఇప్పుడు మనకు 5 లీటర్ల నీలిమందు తయారైపోయింది.  తగిన bottlesలో పోసి నిల్వ ఉంచుకోవటమే.  


           

How To Make Vaseline at Home ..... వేజలైన్ని ఇంట్లోనే తయారుచేయటం ఎలా ?

How To Make  Vaseline at Home..... వేజలైన్ని ఇంట్లోనే తయారుచేయటం ఎలా ?


వేజలైన్ని తయారుచేయుటకు కావలసిన వస్తువులు 
పెట్రోలియం జెల్లీ - 500 గ్రా 
wax (మైనం) - 50 గ్రా 
ఫ్లోరోసెంట్ - 25 ml (మనకు నచ్చిన సెంట్ తీసుకోవచ్చును)  

తయారుచేసేవిధానం 
ఒక స్టీలు పాత్రలో పెట్రోలియం జెల్లీని + మైనాన్ని కలిపి వేసి స్టవ్ పైన పెట్టి కరిగించాలి. రెండూ బాగా కరిగి కలిసాకా స్టవ్ పైనుండి దించి, కొంచెంగా చల్లారిన తరవాత అంటే గోరువెచ్చగా ఉన్నప్పుడు, గట్టిపడక ముందు ఆ మిశ్రమంలో ఫ్లోరోసెంట్ వేసి కలిపి, ఇప్పుడు ఈ మిశ్రమాన్ని మీకు కావలసిన డబ్బాలలో పోసి పక్కన ఉంచుకోవాలి. (చల్లారిన తరవాత వెయ్యలేరు కదా!) అంతే చలికాలంలో మనకు శరీరం పొడిబారకుండా, పెదవులు పగిలిపోకుండా, కాలి పగుళ్ళు లేకుండా అన్ని రకాలుగా పనికివస్తుంది. శరీరం మృదువుగా ఉంటుంది. సైడ్ ఎఫెక్ట్స్ ఏమీ ఉండవు. నేను తయారుచేసుకున్నా, వాడుతున్నాను.